天台種菜　樓下奉客

「既然願意畀上萬蚊去買個名牌手袋，點解唔願意畀多少少錢，去買有機辣椒呢？」香港雖是彈丸之地，但物質不缺，飽嚐各地珍饈之際，你曾否想起食材的價值？曾是藝術工作者的張弛，因對大自然的渴求踏足農業，去年於粉嶺工業區建立垂直農場，天台種菜直供樓下餐廳，推廣「Farm to table」品嚐最原始食材，「城市人如果同食物建立關係，對待食物嘅態度會完全唔同」。
記者：袁樂婷

張弛在城市長大，不愛它堆砌造作，與大自然節奏疏離。走進鄉郊，由一個番茄算起，「花好多時間認識土地、培養種子，你會覺得個番茄唔係街市隨便買返嚟，食物同你嘅關係唔再一樣」。他深信，只有讓「缺綠」的城市人了解食物，才能改變他們對待食物的價值觀，而城市農場的成功正是契機。


■工廈化身垂直農場，將食物與食用環境拉到最近。王子俊攝

以公平貿易價錢入貨
年多前他與拍檔李維恩同組IPC++ Foodlab，粉嶺安樂街七層高的工業大廈化身垂直農場，天台種滿香草、沙律菜和小麥等較少本地貨源的食材，六樓則有養菇場，利用空調系統及霧化設備等模仿亞馬遜森林氣候，養殖全港獨家的「巴西蘑菇」姬松茸。食材收成後，即直接運到地下餐廳入饌，不時不食，一碟意大利粉價錢約70元。張弛亦會在錦田、元朗及馬屎埔村的菜場挑選新鮮蔬菜，最遠僅11公里，且以公平貿易價錢入貨，尊重農夫心血。訪問當天的Today's Salad便用上新鮮粟米芯和沙律菜，「呢度畀城市人有機會感受最自然嘅味道」。


【天台】種香草、沙律菜


【7樓】菜苗場


【6樓】養菇場


【地下】餐廳　王子俊攝

「食物最好嘅時候，就係剛剛出產，味道好有個性」。近年他努力推廣Farm to table，將食物種植地與食用環境拉到最近，保持食物的最佳狀態，「美國沙律菜本身可能好靚，但運到嚟香港離開農場太耐，無可避免要做一啲加工、防腐」。

張弛不諱言，Farm to table暫時很難在港大規模實行，「生活節奏太快，競爭大，普通一間餐廳淨係追租金都唔掂，好難要求佢額外做好多工夫」，價錢較高亦是有機食材的障礙。他說，想讓農業在城市裏找到生存機會，惟有市民願意付出多一點，支持農夫維持「尊嚴種植」。